حادث مؤسف في باريس يعكر فرحة تأهل سان جيرمان للنهائي
وسط أفراح جماهير باريس سان جيرمان بتأهل فريقها لنهائي دوري أبطال أوروبا، حصل حادث مأساوي في قلب العاصمه الفرنسيه باريس، تحديدًا قريب من شارع الشانزليزيه، بعد ما عربية صدمت تلات أشخاص.
الحادث حصل بعد ماتش سان جيرمان اللي كسب فيه أرسنال 2-1 في الإياب، و3-1 في مجموع المباراتين واللي أهل الفريق للنهائي الكبير الناس كانت بتحتفل بجنون في الشوارع، بس فجأه الدنيا اتقلبت بعد التصادم.
الشرطه في باريس قالت إن في شخص اتصاب إصابة خطيره واتنقل مع اتنين تانيين للمستشفى، ولسه التحقيق شغال علشان يعرفوا تفاصيل اللي حصل بالظبط وهل كان الحادث مقصود ولا لا.
رغم إن الفرحة كانت ماليه المكان الشرطة كمان أعلنت إنها قبضت على 43 شخص في مناطق مختلفة في باريس، بسبب شغب ومشاكل حصلت في وسط الاحتفالات.
كده الفرحه ما اكتملتش واللي حصل فتح نقاش تاني حوالين طريقة الاحتفال في الشوارع ومدى التأمين خصوصًا في المناسبات الكبيره زي دي.
