تشافي هيرنانديز، مدرب برشلونة السابق، طلع في تصريح جديد كده وكشف عن تفاصيل جلسة طويلة جمعته مع هانز فليك، مدرب البارسا الحالي، واللي استمرت ساعتين كاملة. الاتنين اتكلموا فيها عن كل حاجة تخص الفريق وحالته.
تشافي قال: “قعدت مع فليك ساعتين، وكان حوار محترم وصريح. الراجل شكرني وقاللي إن اللاعيبة بتتدرب بجد، وإن جزء كبير من العقليه اللي هما فيها دلوقتي بسببي”.
كلام فليك بحسب تشافي كان فيه تقدير واضح للشغل اللي اتعمل قبل ما يمسك الفريق، وده شيء نادر نسمعه من مدرب جديد.
بس فليك كمان كان صريح وقال إنه قلقان من الضغوط اللي حوالي النادي، خاصة من الإعلام اللي دايمًا حاطط عينه على أي حاجه تحصل في برشلونة وتشافي علق على النقطة دي وقال إن فعلاً الإعلام في كتالونيا بيكون قاسي، ودي حاجه لازم أي مدرب للبارسا يكون مستعدلها.
اللقاء ده بين تشافي وفليك بيأكد إن فيه احترام متبادل بينهم، وبيوضح إن حتى بعد ما تشافي مشي، لسه بصمته باينه في الفريق، وإن فليك عنده وعي بالتحديات اللي جاية قدامه.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
