متعب الهزاع يفتح النار على رونالدو بعد خسارة النصر من الاتحاد
الناقد الرياضي متعب الهزاع ما سكت بعد خسارة النصر قدّام الاتحاد 3-2، ووجّه انتقادات نارية لقائد الفريق كريستيانو رونالدو بسبب تصرفاته الغريبة في المباراة.
الهزاع قالها بصراحة: “رونالدو جزء من أزمة النصر، مو كل حاجة نرميها على الفريق أو الإدارة، القائد المفروض يكون أول واحد يتحمّل ويشيل زملاؤه مو يشتتهم!”.
وأضاف: “شوفوا كريم بنزيما، زميله السابق في ريال مدريد، كيف يتصرف كقائد حقيقي مع الاتحاد، دائماً موجود وقت المشاكل، ما يتهرب ولا يلوم أحد”.
وأكد إن تصرفات رونالدو الأخيرة داخل الملعب تعطي انطباع إن المشكلة من اللاعبين مو منه، وده شيء ما يصح من لاعب بحجمه، خصوصًا وهو واجهة الدوري السعودي والنجم الأول فيه.
ومتعب ما وقف هنا، بل لمح إن النصر يعاني إداريًا، وقال: “واضح فيه نقص في الجانب الإداري داخل النادي، اللاعب النصراوي ما عنده جهة يرجع لها لو واجه أزمة، وده ينعكس على أدائهم داخل الملعب”.
الانتقادات دي تفتح باب نقاش كبير حول دور رونالدو الحقيقي كقائد، وهل فعلاً يساهم بحل الأزمات ولا يزودها؟!
