المشروع X فيلم جديد لكريم عبدالعزيز وتشويق قبل عيد الأضحى
شركة سينرچي كشفت إنها هتنزل الإعلان الرسمي لفيلمها الجديد المشروع X اللي بيقوم ببطولته النجم كريم عبدالعزيز، وده هيكون النهاردة الأربعاء الساعة 7 بالليل قبل ما يتعرض الفيلم رسمي ف السينمات يوم 21 مايو اللي جاي، قبل عيد الأضحى.
الفيلم من نوع المغامرة والتشويق، وبيجسد فيه كريم شخصية يوسف الجمال عالم المصريات اللي بيبدأ رحلة خطيرة من مصر لحد الفاتيكان وأمريكا اللاتينية وكمان بيوصل لأعماق البحار، عشان يثبت نظرية غريبة هل الهرم الأكبر اتبنى كمقبرة فعلًا
العمل من إخراج وتأليف بيتر ميمي، وسيناريو أحمد حسني، وبيشارك ف بطولته ياسمين صبري، إياد نصار، أحمد غزي، عصام السقا، ومعاهم ضيوف شرف زي ماجد الكدواني، كريم محمود عبد العزيز، وهنا الزاهد.
المشروع X يعتبر نقلة كبيرة للسينما العربيه، لأنه أول فيلم عربي يتعرض بتقنيات IMAX و4DX وDolby وكمان ScreenX، واتصور في أماكن كتير زي مصر وتركيا وإيطاليا والسيلفادور، ومن إنتاج تامر مرسي.
وفي خبر تاني، كريم عبدالعزيز قعد قريب مع المخرج مروان حامد والمؤلف أحمد مراد للتحضير لـ الفيل الأزرق 3 اللي هيبدأ تصويره أول السنه الجايه.
