فار بـ7 أرواح بيكمل عرضه وسط إيرادات ضعيفه ومنافسه شرسه
رغم إن فيه أفلام كوميديا كتير شغاله دلوقتي في السينمات، بس فيلم فار بـ7 أرواح لسه ماقدرش يحقق نجاح يذكر وسجل يوم الأربع 7 مايو إيرادات بسيطه جدًا بـ5,434 جنيه بس، وده من خلال بيع 50 تذكره، واحتل المركز الخامس والأخير ف ترتيب الإيرادات اليوميه.
الفيلم اللي كان اسمه قبل كده الميت ده بتاع مين من تأليف محمد فاروق شيبا وإخراج شادي علي، وبطولة أحمد فتحي، فرح الزاهد، ويزو، محمود حافظ، ندى موسى، أوتاكا، إدوارد وسليمان عيد.
القصة بتدور بشكل كوميدي حوالين سبع حكايات كل واحده بشخصيات مختلفه، بس اللي بيربطهم جثه غامضه بتتنقل بينهم، وده بيقلب حياتهم لفوضى وهزار في محاولة منهم يتخلصوا منها.
رغم إن الفيلم حاول يطرح فكرة جديده ومختلفه عن باقي الأفلام، بس المنافسة كانت صعبه جدًا خصوصًا مع أفلام زي سيكو سيكو والصفا الثانوية بنات اللي بيحققوا أرقام أعلى وحضور جماهيري أكبر.
واضح إن غياب نجوم كبار وتسويق ضعيف خلى الفيلم يواجه صعوبات كبيرة، وممكن يخرج من السينمات بدري لو ماحصلش تطور ف الإيرادات الأيام الجايه.
