أسرة صبحي عطري تعلن موعد دفنه بعد 21 يوم من وفاته
بعد ما مر 21 يوم على وفاة الإعلامي السوري المعروف صبحي عطري في برلين، أعلنت أسرته أخيرًا عن موعد الدفن ومكان الجنازة اللي هتكون بكرا الجمعه 9 مايو، بعد صلاة الجمعه، في مقبرة القصيص في دبي وكمان هيكون العزا يوم الجمعه في بيت المرحوم بدبي، ويستكملوا العزا يوم السبت 10 مايو في فندق كبير هناك.
عطري توفى يوم 18 أبريل اللي فات، وخبر وفاته كان صدمة كبيره في الوسط الإعلامي والفني، لأنه كان محبوب من الكل، وعلاقته كانت طيبه مع فنانين كبار.
برنامج ET بالعربي اللي كان بيشتغل فيه عطري كمراسل، طلع بيان بيرد فيه على الشائعات اللي طلعت عن وفاته، وقال إن كل الكلام المنتشر عن ظروف الوفاة أو حالته النفسية مالوش أي أساس وطالبوا الناس تحترم خصوصية العيلة ومسيرته اللي كانت مليانه احترام ومهنية.
عطري مولود بحلب يوم 6 يوليو 1977، وتخرج من جامعة حلب قسم أعمال إدارية واشتغل في الإعلام من سنة 2007 مع قنوات روتانا وشارك في برامج كتير زي تريندينج على MBC لحد 2023، وكان من الوجوه اللي دايمًا نقلت أخبار الفن بشكل مهني ومميز.
