سهير رمزي تكشف سر الغياب وتفاصيل الحجاب ورفض ميراث أبوها
في تصريحات تليفزيونيه جديده، كشفت النجمه الكبيره سهير رمزي عن أسباب غيابها الفتره اللي فاتت وقالت إنها مش لاقيه أدوار تليق بتاريخها، وإنها بترفض تشتغل في حاجه أي كلام، وقالت أنا بختار أدواري بحرص، وبدور على حاجه تحترم موهبتي، بس مش لاقيه لحد دلوقتي
سهير كمان اتكلمت عن التغير اللي حصل في الفن وقال زمان كان الفن أجمل، دلوقتي مفيش موضوعات قويه، بالعكس إحنا متأخرين حتى عن بعض البلاد العربيه
أما عن الحجاب، نفت إن الشيخ الشعراوي هو اللي خلاها تلبسه، وقالت أنا اللي خدت القرار من نفسي، هو شافني بعد ما لبسته، والحجاب مش بس غطا راس، ده كمان فكر وسلوك
وفجّرت مفاجأه عن والدها، وقالت ماعرفتوش، ورفضت ميراثه لأني محسيتش إنه أبويا، ولا صرف عليا، شوفته مره وأنا عندي 13 سنه ورفض يشوفني عشان كنت بشتغل ممثله
وأشادت بمنى زكي ومنة شلبي ونيللي كريم، وقالت إن ياسمين صبري شبهها جدا، ولو اتعملت سيرتها تبقى هي الأنسب، رغم إنها مش حابه موضوع السيره الذاتيه من الأساس.
