خناقه بيانات بين ورثة محمود عبد العزيز وبوسي شلبي بسبب الجواز
الأحداث رجعت تشتعل من جديد حوالين علاقة الإعلاميه بوسي شلبي بالنجم الراحل محمود عبد العزيز، بعد ما نفت يوم 8 فبراير اللي فات شائعة طلاقهم، وقدمت نسخه من بطاقتها الشخصيه بتأكد إنها أرملته، وكمان بطاقته اللي مكتوب فيها إنه متجوز.
لكن يوم 7 مايو، عيلة الفنان الراحل أصدرت بيان طويل بيكذب كلام بوسي، وأعلنوا فيه عن رفع قضايا على ست شهيره ادعت إنها كانت مراته لحد آخر أيامه، وأكدوا إن كل الدعاوي اترفضت واتحفظت بلاغاتها، وإن الطلاق بينهم حصل بعد شهر ونص من الجواز بس في سنة 98.
البيان شدد إنهم مش هيقبلوا أي تطاول على اسم وتاريخ الفنان الكبير، وكلفوا المحامي الخاص بالورثه ياخد كل الإجراءات القانونية.
على طول، محامي بوسي شلبي رد ببيان تاني وقال إن العلاقه كانت زواج رسمي ومحدش يقدر يشكك في ده، خصوصًا إن البطاقه بتثبت كده، وإنها مش هتقبل اتهامات تمس سمعتها أو سمعة محمود عبد العزيز، وأكد إن القضايا لسه في المحكمة.
واضح إن الخلاف هيطول، والقانون هو اللي هيقول كلمته في الآخر.
