ماجد المصري راجع بقوه في 3 افلام جداد خلال الفتره الجايه
الفنان ماجد المصري عامل عوده جامده للسينما بعد غياب فترات طويله كان ظهوره فيها قليل، وده من خلال 3 أفلام بين اللي خلص تصويرها واللي لسه بيصورها وكمان اللي لسه متعاقد عليه.
أولهم فيلم الغربان اللي خلص تصويره مع عمرو سعد ومرشح ينزل في السينمات آخر السنه وبيشارك فيه مي عمر أسماء ابو اليزيد وغيرهم والفيلم بيتكلم عن فتره الحرب العالميه التانيه ومعركه رومل في العلمين وفيه أكشن وتشويق كتير.
أما التاني فهو السلم والثعبان أحمد وملك اللي بدأ تصويره يوم الأحد اللي فات، وبيشارك فيه مع عمرو يوسف وأسماء جلال، والعمل قصه وإخراج طارق العريان وتدور أحداثه في إطار رومانسي اجتماعي.
وثالث فيلم هو الست لما مع النجمه يسرا، لسه في مرحلة التحضيرات، وهيبدأ تصويره بعد عيد الأضحى والقصه من تأليف كيرو أيمن ومحمد بدوي، والإخراج لخالد ابو غريب.
آخر ظهور سينمائي ليه كان في فيلم 5 جولات سنة 2023، اللي شارك فيه مع نور النبوي وآدم شرقاوي وحقق نجاح كويس وقتها ماجد راجع بقوه وهيشوفه الجمهور بأكتر من لون فني.
