وزارة الداخلية تعلن عن غرامات تصل لـ100 ألف ريال على المخالفين
أعلنت وزارة الداخلية عن تطبيق غرامة مالية ضخمة على أي شخص بيحاول يدخل مكة أو المشاعر المقدسة أو يعمل الحج بدون تصريح، الغرامة ممكن توصل لـ100 ألف ريال وده يشمل الناس اللي تقدموا بطلبات تأشيرة زيارة لأي شخص، واللي بعد كده حاولوا يؤدوا مناسك الحج بدون تصريح، أو دخلوا مكة أو المشاعر المقدسة، أو حتى بقوا فيهم بين أول يوم من شهر ذي القعدة لحد اليوم الـ14 من شهر ذي الحجة.
الغرامة هتتعدد كمان حسب عدد الأشخاص اللي تم إصدار تأشيرات لهم ووقعوا في المخالفات دي وزارة الداخلية أكدت على الجميع ضرورة الالتزام بالقوانين الخاصة بالحج علشان نحافظ على سلامة الحجاج وأمنهم، ويقدروا يؤدوا مناسكهم بكل يسر وطمأنينة والوزارة كمان طلبت من الناس الإبلاغ عن أي مخالفات من خلال الأرقام المخصصة في مختلف المناطق، زي الرقم 911 لمناطق مكة، المدينة، الرياض، والشرقية، والرقم 999 في بقية أنحاء المملكة.
الوزارة حريصة على إن الحج يكون آمن ومنظم، وكل واحد لازم يلتزم بالقوانين عشان سلامة الجميع.
