رامي صبري بيجهز لألبومه الجديد وتعاونات جديده في صيف ٢٠٢٥
بدأت الحركه الموسيقيه تسخن مع اقتراب صيف 2025، ونجوم الغنا بدأو يحضرو لألبوماتهم الجديده اللي هتنزل في الموسم الجاي واللي شكله هيكون مليان مفاجآت وتعاونات مختلفه عن اللي فات.
في المقدمه، النجم رامي صبري بدأ فعلاً شغل على ألبومه الجديد، وابتدى يختار الأغاني ويتعاون مع مجموعه كبيره من صناع الموسيقى المعروفين، زي الشاعر عمرو المصري، والموزع عمرو الخضري، وكمان في أسماء تانيه معروفه من الملحنين والموزعين لسه هيتم الإعلان عنها قريب.
رامي ناوي يقدم حاجه جديده ومختلفه عن ألبوماته اللي فاتت، وبيحرص يكون الألبوم متنوع في الأشكال الموسيقيه والكلمات علشان يرضي كل الأذواق، خصوصًا جمهوره اللي مستنيه بأغاني تليق باسمه وتاريخه.
الموسم الجاي شكله هيبقى قوي موسيقيًا، لأن في كذا نجم كمان بيجهز لألبوماتهم، بس لحد دلوقتي رامي هو اللي بدأ يعلن تحضيراته بوضوح، وده بيأكد إن المنافسه هتبقى مولعه في صيف 2025.
