قضية زواج بوسي شلبي من محمود عبد العزيز تثير جدل واسع
مازالت قصة جواز الإعلاميه بوسي شلبي من الفنان الراحل محمود عبدالعزيز حديث السوشيال ميديا خلال الساعات الأخيره، وده بعد بيان مفاجئ من عيلة الساحر بخصوص الحاله القانونيه لبوسي كزوجة للفنان الراحل.
البدايه كانت لما بوسي نفت في فبراير 2025 أي إشاعات عن طلاقهم قبل وفاة محمود، وقالت إنها أرملته رسمياً، وقدمت صورة من بطاقتها وبطاقة الفنان الراحل اللي مكتوب فيها متزوج
لكن يوم 7 مايو، عيلة محمود عبد العزيز نزلت بيان رسمي قالوا فيه إن الطلاق حصل من سنة 1998، وإنهم حابين يوضحوا الحقيقه بعد ما انتشرت معلومات غلط على حسب كلامهم.
بوسي ردت بسرعه ونشرت تأشيرة عمرة في 2019 مكتوب فيها إن محمود عبدالعزيز هو الزوج، وكمان بطاقة الرقم القومي اللي بتأكد إنه كان متجوز وقت وفاته.
وقالت في بيانها إن علاقتهم كانت رسميه وشرعيه والجميع كان عارف، وإن لسه في إجراءات قانونيه ما خلصتش، بس عيلة الفنان ردت تاني وقالت إن القضاء رفض كل دعاوي بوسي، وإن الطلاق حصل رسمي وقانوني من أول الجواز بشهر ونص بس.
