ليه هدف إنتر الثالث ما اتلغاش؟ تشافيير بوتش يفتح النار ويولّعها
من بعد ما الصحفي الكتالوني تشافيير بوتش كتب تقرير في الموندو ديبورتيفو النهاردة عن هدف إنتر ميلان التالت قدّام برشلونة، والدنيا قامت عليه في مدريد وما قعدتش.
بوتش قال بالنص: “جيرارد مارتن لو كان قعد على الأرض دقيقة يتوجع زي ما لاوتارو عمل في ضربة الجزاء، كان الـVAR اضطر يشوف اللقطة من كذا زاوية وكان واضح إن الهدف لازم يتلغى”.
الكلام دا فتح عليه باب جهنم من إعلام العاصمة، اللي فضل يرمّي كلام عن إن دي نفس الطرق اللي كان بيستعملها برشلونة زمان مع الحكام في الليجا، خصوصًا في أيام نيغريرا، لما كان فيه توجيهات للاعبين إن في حكام لازم يتضغط عليهم شوية عشان يرجعوا في القرار!
الموضوع بقى مكشوف في دوري أبطال أوروبا مفيش تحايل ولا تمثيل هيمشي والحكام هناك مش زي حكام إسبانيا، لا بيخافوا من ضغط ولا تمثيل، عشان كده تلاقي الحكام الإسبان منبوذين ومش محبوبين في البطولات القارية.
اللي كان ينفع في الليجا، مابقاش ينفع في أوروبا. واللي كانوا بيكسبوا بيه زمان دلوقتي ما ينفعش حتى في تمثيلية درجة تالتة!
