في تعليق مثير للجدل، قال الصحفي الإسباني خافي ميغيل في صحيفة آس إن غياب أليخاندرو بالدي عن برشلونة بسبب الإصابة، طلع في مصلحة الفريق أكتر ما هو ضرر، وده بسبب ظهور نجم جديد على الجهة اليسرى وهو جيرارد مارتن.
ميغيل قالها بصراحة: “غياب بالدي جسد عبارة (رب ضارة نافعة)، لأن غيابه أفسح المجال لبروز موهبة شابة قوية على الجهة اليسرى، جيرارد مارتن، واللي قدم مستويات مميزة جدًا”.
الشاب ده مش بس لعب كويس، ده كمان خطف الأضواء خد جائزة رجل المباراة قدّام بلد الوليد، وصنع أسيستين ضد إنتر في سان سيرو، يعني مش مجرد بديل ده عامل شغل عالي ومرعب على الجبهة.
والأقوى من كده إن ميغيل قال إنه من الصعب إن بالدي يرجع مكانه بسهولة، خصوصًا إن مارتن دلوقتي متفوق بدنيًا وفنيًا، وكمان فيه تخوف من انتكاسة جديدة لبالدي لو استعجلوا عليه.
المفاجأة؟ حسب كلامه، بالدي ممكن يقعد احتياطي في الكلاسيكو قدّام ريال مدريد، ويتفرّج من الدكة على منافس شاب “بياكل الأخضر واليابس” قدامه!
واضح إن الجبهة اليسرى في البرسا داخلها معركة جديدة، ومارتن مش ناوي يفرّط فيها بسهولة.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
