مانشستر ناوي يبيع انتوني الصيف الجاي وريال بيتيس متمسك بيه
كشفت جرايد إنجليزيه إن مانشستر يونايتد بيفكر يبيع اللعيب البرازيلي انتوني في الانتقالات الصيف الجايه عشان يستفيد منه مادياً، خصوصًا بعد ما ظهر بمستوى كويس مع ريال بيتيس اللي بيلعبله دلوقتي على سبيل الإعاره.
صحيفة ذا صن قالت إن المستوى اللي قدمه انتوني مع بيتيس، خلا إدارة مانشستر تراجع حساباتها وتفكر تبيعه بمبلغ كويس بدل ما ترجعه النادي تاني انتوني لعب 34 ماتش مع بيتيس وسجل 8 أهداف وصنع 4، وده رقم مش بطال خالص.
ريال بيتيس من ناحيته، عايز يمد الإعارة موسم كمان، بس مانشستر لسه مش حاسم قراره أتلتيكو مدريد وأرسنال كمان دخلوا في الصوره وبيراقبوا الموقف ومستعدين يدخلوا الصفقة لو اتعرض للبيع رسمي.
رامون ألاركون، المدير التنفيذي لبيتيس، صرح إنهم هيضطروا يدوروا على بديل لو مانشستر رفض يمد الإعارة بس لسه عندهم أمل إن الصفقة تكمل.
الواضح إن الصيف هيبقى مولع وانتوني احتمال كبير يغير وجهته من جديد، والسؤال دلوقتي.. هل مانشستر هيبيع ولا هيستفيد منه تاني
