استون فيلا ممكن يبيع مارتينيز الصيف الجاي وبديله جاهز
صحيفة ديلي ميل كشفت إن نادي استون فيلا ناوي يسمع للعروض اللي هتتقدم لحارسه الأرجنتيني إيميليانو مارتينيز رغم إنه كان مجدد عقده من شهور بس لمدة خمس سنين، وتحديدًا في أغسطس اللي فات.
مارتينيز عنده 32 سنه، وجماهير فيلا بارك بتحبه جدًا وبيعتبروه واحد من نجوم الفريق، بس النادي بيفكر يجدد دم الفريق وخصوصًا في مركز الحراسه، ويدور على حارس أصغر في السن ويقدر يقدم نفس المستوى.
فيلا حاطط عينه على الحارس الإسباني الشاب جوان جارسيا، اللي عنده 24 سنه وبيلعب مع إسبانيول، وحقق أعلى عدد تصديات في الدوري الإسباني الموسم ده وده بيخليهم يشوفوه بديل ممتاز لو مارتينيز مشي.
النادي ناوي يعمل حركه بيع وشراء كبيره في الصيف، وممكن جدًا بيع مارتينيز يكون جزء من الخطة دي، لو جاله عرض مناسب يرضي إدارة النادي.
اللي واضح دلوقتي إن استون فيلا مش ناوي يسيب الأمور تمشي زي ما هي، وبيفكر في المستقبل، بس السؤال: هل فعلاً الجماهير هتتقبل رحيل نجمها المفضل
