أنشيلوتي بيمشي بعد الكلاسيكو وريال مدريد يفكر بسولاري مؤقتًا
في تسريبات جديده طلعت، بينت إن المدرب الإيطالي كارلو أنشيلوتي بيودّع ريال مدريد نهاية الموسم، حتى قبل ما يخلص الدوري الإسباني أو يبدأ كأس العالم للأنديه اللي بتنلعب في أمريكا يونيو الجاي.
الفريق حالياً متأخر عن برشلونة بأربع نقاط، ومع تبقّي 4 جولات بس، الكلاسيكو الجاي يوم 11 مايو ممكن يكون آخر ظهور لأنشيلوتي مع الملكي.
صحيفة “ماركا” الإسبانية أكدت إن إدارة الريال حسمت قرارها، وراح تعلن رحيل أنشيلوتي رسميًا بعد الكلاسيكو مهما كانت النتيجه، فوز ولا خسارة.
وبدأت الإداره تفكر في بديل مؤقت يقود الفريق في المونديال، وأقرب اسم حالياً هو الأرجنتيني سانتياجو سولاري، اللي سبق ودرب الفريق فتره مؤقته قبل كذا موسم.
تشابي ألونسو مرشح يكون المدرب الجديد من الموسم الجاي، بس للحين ما تم الإعلان الرسمي.
يعني ممكن نشوف سولاري يرجع يقود الفريق في آخر محطاته هالموسم.
جماهير الريال مستغربه توقيت القرار، بس واضح إن الإدارة ناويه تقلب الصفحة بدري وتبدأ مشروع جديد مع وجه تدريبي مختلف.
