لابورت يبي يرجع لأوروبا ومارسيليا يفتح له الباب بالمجان
كشفت تقارير صحفيه فرنسيه إن الإسباني إيمريك لابورت، مدافع النصر، ناوي يرجع لأوروبا، وفيه اهتمام كبير من نادي مارسيليا اللي حاب يضمه بالصيف الجاي.
لابورت انضم للنصر بالصيف 2023 من مانشستر سيتي، بس ما شارك كثير، وهذا خلاه يفكر في تغيير الأجواء.
صحيفة “لا بروفانس” قالت إن مارسيليا حاول يجيب لابورت بالشتويه اللي راحت، بس ما قدروا بسبب المشاكل الماليه، والحين راجعين وبقوه للتفاوض، وهدفهم يضمونه ببلاش لو اللاعب قدر يفسخ عقده مع النصر.
لابورت من ناحيته ما عنده مانع يترك النصر، وقال إنه مستعد يرجع لأوروبا لو وصله عرض مناسب.
المفاوضات ماشيه وفي تقدم، ومارسيليا جاد جدًا في ضمه لتقوية دفاعه.
عقد لابورت مع النصر ممتد لين 30 يونيو 2026، وقيمته السوقية حالياً حوالي 18 مليون يورو. بس لو اللاعب مصر على الرحيل، والنادي وصله عرض كويس، ممكن يوافقون على خروجه.
الجماهير النصراويه للحين مو متأكده إذا لابورت بيكمل ولا لأ، لكن الواضح إن قرار رحيله صار قريب، وكل شيء بيتحدد بالصيف.
