بيلد تفجّرها: جماهير بايرن تطالب بالتخلص من ليروي ساني!
في خطوة فاجأت الكل، صحيفة بيلد الألمانية عملت إستطلاع رأي بخصوص مستقبل ليروي ساني مع بايرن ميونخ، ونتيجته كانت صادمة! أكتر من 40 ألف مشجع شاركوا، والغالبية الساحقة – بنسبة 78% – شايفين إن لازم النادي يتخلص من اللاعب، في حين 22% بس هم اللي حابين يستمر في الفريق.
واضح إن وضع ساني في بايرن مش مستقر، خصوصًا مع تراجع مستواه الفترة الأخيرة، وكلام كتير عن مشاكله في غرفة الملابس وعدم التزامه.
والموضوع مابقاش بس عند الجماهير، حتى إدارة البايرن دخلت على الخط. بحسب تقرير بيلد، الإدارة قررت تدّي ساني مهلة 10 أيام عشان يرد على عرض تجديد عقده، ولو ما وافقش، فالباب يفوّت جمل.
والجدير بالذكر إن النادي مش ناوي يرفع قيمة العرض، ولا حتى يعطيه مكافأة توقيع زي ما هو طالب، وده بيخلي القرار بالنسبة لساني معقد أكتر، خصوصًا مع تقارير عن اهتمام أندية تانية بخدماته.
الأسابيع الجاية هتكون حاسمة هل هنشوف ساني بيكمل مع بايرن؟ ولا الجماهير هتاخد اللي هي عايزاه؟ الأيام هتقول.
