مانشستر يونايتد يستعد لبلباو ونتايجه الأخيره تدق ناقوس الخطر
قبل المواجهه الحاسمه ضد أتلتيك بيلباو في إياب نصف نهائي الدوري الأوروبي، مانشستر يونايتد بيعيش فتره فيها كتير من التذبذب، ونتايجه في آخر 5 مباريات مش مطمنه لجماهيره أبداً.
الفريق خسر مرتين، وتعادل في مناسبتين، وفاز بصعوبه في مباراه وحده، وده بيخلي مهمته قدام بيلباو أصعب، خصوصًا إن الفريق الإسباني طالع من فوز في الذهاب ومعنوياته عاليه.
النتايج دي بتطرح علامات استفهام كبيره حوالين أداء الفريق والجاهزيه البدنيه والذهنيه للاعبين، خصوصًا النجوم الكبار اللي غاب تأثيرهم في أكتر من مباراه والمدرب عليه ضغط كبير، والجماهير بتطالب برد فعل قوي في مواجهة الليله على مسرح الأحلام “أولد ترافورد”.
مانشستر يونايتد محتاج يكون في يومه، خصوصًا دفاعياً، لإن أي هدف من بيلباو ممكن يعقد الأمور أكتر ولو الفريق ناوي يكمل في البطوله ويدور على التتويج، فلازم يظهر اليوم شخصية البطل ويقلب النتيجه.
هل هيقدر مانشستر يقلب الطاوله ويتأهل للنهائي؟ ولا بيلباو هيواصل التألق؟ الإجابه الليله!
