خبر يفرح فليك قبل الكلاسيكو مارتينيز جاهز لريال مدريد
تلقى هانز فليك، مدرب برشلونة، خبر مفرح قبل موقعة الكلاسيكو المرتقبه ضد ريال مدريد يوم الأحد الجاي، بعد تأكد جاهزية المدافع إينيغو مارتينيز للمشاركة في اللقاء.
برشلونة حاليًا متفوق على ريال بـ4 نقاط، والفوز بالكلاسيكو ممكن يقربه من التتويج بلقب الدوري الإسباني، قبل ما يفضل 3 جولات بس على النهاية.
الكلاسيكو جاي بعد أيام من الخروج الأوروبي الصعب لبرشلونة على يد إنتر ميلان، اللي فاز بنتيجة 4-3 في إياب نصف نهائي دوري الأبطال، بعد تعادل الذهاب 3-3، بمجموع 7-6 لإنتر.
الجماهير كانت قلقانة بعد ما طلع مارتينيز من مباراة إنتر في الشوط التاني وهو ماسك أوتار الركبة، لكن الصحفي خافي ميجيل من صحيفة “آس” الإسبانية طمّن الكل، وقال إن اللاعب ما عنده إصابة خطيرة.
الفحوصات اللي خضع لها أكدت إن الموضوع إجهاد عضلي عادي، مش إصابة، وإنه هيرجع للتمارين بشكل طبيعي ويكون متاح لفليك في الكلاسيكو.
الجدير بالذكر إن مارتينيز أخد كارت أصفر في الشوط الأول، وده كان أحد أسباب خروجه كإجراء احترازي.
