السيسي يوصل موسكو للمشاركه بعيد النصر وسط استقبال روسي رسمي
وصل من شويه السيد الرئيس عبد الفتاح السيسي للعاصمه الروسيه موسكو، وده في اطار زيارته الرسميه اللي بيشارك فيها فـ احتفالات عيد النصر اللى هتكون بكرا، وده جاي بدعوه خاصه من الرئيس الروسي فلاديمير بوتين.
الرئيس السيسي وفور وصوله لمقر إقامته بالعاصمه الروسيه، كان في استقبال رسمي وترحيب كبير، ودي الزياره اللى بتعتبر مهمه فـ توقيت حساس، خصوصا مع تطورات الوضع العالمي وزيادة التعاون المصري الروسي في كذا مجال.
مصادر قالت إن مشاركة الرئيس في احتفالات عيد النصر بترمز لدعم العلاقات بين البلدين، وكمان بتأكد على عمق الروابط التاريخية بين مصر وروسيا من أيام الاتحاد السوفيتي.
ومن المتوقع إن السيسي هيعقد لقاءات مهمه على هامش الزياره، ممكن تشمل مباحثات مع بوتين وكبار المسئولين الروس، عشان مناقشة ملفات اقتصاديه وسياسيه، وكمان تعزيز التعاون العسكري والتقني بين البلدين.
جدير بالذكر إن عيد النصر هو احتفال سنوي كبير في روسيا بيتم فيه تخليد ذكرى انتصار الجيش الأحمر على ألمانيا النازية فـ الحرب العالميه التانيه.
