مدبولي يتفقد تطوير كورنيش ترعة القاصد ويتابع نسب التنفيذ بالمحله
خلال جولته النهارده فـ محافظة الغربيه، راح الدكتور مصطفى مدبولي، رئيس مجلس الوزراء، ومعاه وفد من المسئولين، يتابعوا أعمال تطوير كورنيش ترعة القاصد.
رئيس الوزراء سمع شرح من المهندس أشرف حواش، المشرف على مشروعات الغربيه، وقال إن المشروع ممتد من عند كوبري قحافه لحد كلية الهندسه، بطول تقريبي 2 كيلو، ومن المقرر إنه يخلص في مايو 2026.
التطوير هيشمل شغل اسفلت، أرصفه، برجولات، أعمده ديكوريه، وكمان أعمال حفر وإحلال ووضح حواش إن المرحله الأولى بتشمل تدبيش حائط الجسر بطول الطريق كله.
كمان تم استعراض الموقف التنفيذي للمرحله التانيه، اللى بتضم رصف طريق سكة الوسط اللى متفرع من طريق 43 طنطا/بسيون، وواصل لحد مستشفى محلة محرم المركزي بطول 1200 متر. وكمان هيتم تغطية مصرف امتداد شوبر بطول 100 متر.
المرحله التانيه وصلت نسب التنفيذ فيها لـ 75%، وده بيأكد إن الشغل ماشي بخطى كويسه مدبولي شدد على ضروره سرعة الإنجاز مع الحفاظ على الجوده، علشان يستفيد المواطنين من المشروع بأسرع وقت.
