عمرو دياب يخطف الأنظار بإطلالتين ناريتين في حفل دبي الأخير
خطف الهضبه عمرو دياب الأنظار من أول لحظه في حفله الأخير اللي اتعمل في القريه العالميه بدبي، بإطلالتين شبابيه كالعاده.
أول طله كانت تيشرت برتقالي من ماركه Off-White، بسيطه من قدام وعليها سهم كبير من ورا، وسعرها يوصل لـ425 دولار، يعني حوالي 21 ألف ونص جنيه مصري.
أما الطله التانيه فكانت سوده بنفس الماركه، ضيقه ومكتوب عليها بخط واضح قدام، والسهم كمان موجود في الضهر، وسعرها حوالي 415 دولار، يعني برضو حوالي 21 ألف جنيه.
الاتنين كانوا من القطن الخالص وبيظهروا ذوق عمرو دياب اللي دايمًا سابق عصره في الموضه.
الهضبه مولّع المسرح بمجرد ما طلع، والجمهور كان متفاعل معاه بشكل خرافي، وطلبوا منه أغانيهم المفضله زي “يا قمر”، “قمرين”، “تملي معاك”، “غلاوتك”، و”وياه”.
ومش بس كده، عمرو بيستعد كمان لحفله كبيره جدًا في الجامعه الأمريكيه بالقاهره يوم 16 مايو، واللي ناس كتير مستنيينها بفارغ الصبر الهضبه دايمًا متجدد ومش بيسيب مكان إلا ويسيب بصمته.
