شيرين عبد الوهاب تدخل في أزمة مع مدير صفحاتها الرسميه
حصلت مشكله كبيره بين النجمه شيرين عبد الوهاب ومدير صفحاتها على السوشيال ميديا، وصلت لحد إن محاميها ياسر قنطوش حرر محضر رسمي ضده في قسم شرطة البساتين، واتهمه فيها إنه استولى على الصفحات ورفض يرجعها أو يسلمهم الباسوردات.
الموضوع ما وقفش عند كده، مدير الصفحات كمان طالب شيرين بدفع فلوس زياده علشان يرجعلها التحكم في حساباتها! وده طبعًا اعتبره المحامي ابتزاز صريح، خصوصًا إن الصفحات دي عليها جمهور بالملايين ومش من حق حد يحتفظ بيها أو يستخدمها من غير إذن.
التحريات المبدئيه أكدت إن المدير احتفظ بالباسوردات من غير وجه حق، وده خلى الجهات الأمنيه تتدخل، لأن الموضوع مش بس اختراق للخصوصيه، لكن كمان تهديد علني لفنانة بحجم شيرين عبد الوهاب.
الناس على السوشيال ميديا بدأت تتفاعل مع الخبر، وفيه ناس بتطالب بحمايه أكتر للفنانين من المشاكل دي، وبيشوفوا إن اللي حصل تجاوز كبير ومش لازم يعدي من غير عقاب.
الموضوع لسه في التحقيق، وكل الأنظار متجهه لخطوة شيرين الجايه.
