طليق جوري بكر يعتدي عليها قدام ابنها ويفرّ هارب بره مصر
كشفت تفاصيل صادمه عن خناقه حصلت بين الفنانه جوري بكر وطليقها، واللي وصلت للضرب والإهانة قدام ابنهم والخدامه، وده حسب كلام محاميها المستشار محمد محمود جادو.
جوري كانت اتطلقت منه على الإبراء من شهر أغسطس 2024 بعد جوازه قصير مليان مشاكل وسوء معامله.
الطليق ماكانش بيرفع قضايا شوفه ولا حاجه، وكان بيشوف ابنه تميم (اللي عنده سنه ونص) كل فتره لما ينزل مصر، لإنه شغال مهندس بره.
في بداية مايو، خده معاه إسكندرية تلات أيام، ورجع الطفل تعبان، سخونية وطفح جلدي، ولما راحت بيه للدكتور، قالها عنده ميكروب في المعدة من أكل مش نظيف.
جوري اتصلت بطليقها وقالت له ييجي يطمن عليه، وجه فعلاً ومعاه والدتها، وبعد ما رجعوا من الدكتور، حاولت تكلمه عن رعاية الطفل، لكنه فقد أعصابه، وابتدى يشتم ويزعق، وضربها كمان قدام أمها وابنهم، ولما والدتها حاولت تهدي الموقف، زقّها!
جوري بلغت النجده، وأمن الكمبوند ساعدها، وراحت القسم وقدمت بلاغ، لكن طليقها هرب وسافر بره عشان يهرب من العقوبه.
