أولاد محمود عبد العزيز يفجّروا مفاجأه عن طلاقه من بوسي شلبي
في مفاجأه كبيرة، أعلن كريم ومحمد، أولاد النجم الراحل محمود عبد العزيز، إن بوسي شلبي ماكنتش مراته وقت وفاته، وإن الطلاق حصل رسمي من سنة 1998 بعد شهر ونص بس من الجواز! وده بعد ما نشروا حكم محكمة يثبت الطلاق من سنين.
الكلام ده بييجي بعد ما بوسي كانت نفت في فبراير اللي فات شائعة طلاقها من الراحل، ونشرت صورة بطاقتها وجواز سفرها اللي مكتوب فيهم إنها زوجته، وقالت وقتها إن في ناس زورت أوراق علشان يسرقوا أرض، وإنها كانت مراته لحد آخر يوم في عمره.
لكن أولاده ردوا مؤخرًا وأكدوا إن علاقتها بيه بعد الطلاق ماكنتش أكتر من إنها مديرة أعماله، يعني بتنسق مواعيده والمهرجانات وخلاص، وإن مفيش علاقة زوجية بينهم من أكتر من 25 سنة.
البيان قلب الدنيا، خاصة إن بوسي كانت دايمًا بتتكلم عنه كجوزها، والناس كانوا فاكرين إنهم عاشوا مع بعض لحد ما توفى، بس الحقيقة شكلها كانت مختلفه تمامًا عن اللي الناس عرفاه.
