أوس أوس يطلب من جمهوره يدعوا لوالدته بعد دخولها المستشفى
طلب الفنان أوس أوس، أو محمد أسامة، من متابعيه الدعاء لوالدته اللي اتنقلت لأحد المستشفيات بعد تعرضها لأزمة صحية صعبة.
وشارك صورة من داخل المستشفى قدام وحدة رعاية القلب وكتب عليها: “ادعوا لأمي تقوم بالسلامة .
ياااارب”، في ستوري على حسابه في إنستجرام، وقلق جمهوره عليه وعلى صحة والدته.
الناس اتفاعلت معاه بسرعة ودعوله من قلبهم على السوشيال ميديا، وتمنوا لأمه الشفاء العاجل.
لسه لحد دلوقتي مفيش تفاصيل عن حالتها الصحية، لكن الكل مستني يطمن عليها.
من ناحية تانية، كان أوس أوس ظهر مؤخرًا في فيلم “ثانوية الصفا بنات”، اللي بيشارك فيه عدد كبير من النجوم زي علي ربيع، محمد ثروت، هالة فاخر، وغيرهم. الفيلم من تأليف وليد أبو المجد وأمين جمال، وإخراج عمرو صلاح، ومن إنتاج أحمد وكريم السبكي.
الفيلم كمان بيضم ظهور خاص لنجوم كبار زي عصام الحضري اللي لعب دور مدرب، وأحمد حاتم اللي ظهر كمدرب لفريق تاني، وكمان محمود الليثي اللي غنى مشهد داخل كاباريه مع علي ربيع.
