رودريغو جوس في حيره بين مدريد وإنجلترا وسط عروض ناريه
الوضع حوالين مستقبل النجم البرازيلي رودريغو جوس بقى محط جدل كبير، وبتتكلم تقارير كتير إن في صراع إنجليزي عليه في الصيف الجاي.
مانشستر سيتي بيعتبر من أكتر الفرق المهتمه بيه، خصوصًا مع إعجاب المدرب بيب جوارديولا بمهاراته وتنوعه في الملعب، وبيفكر فيه كبديل مثالي بعد رحيل جوليان ألفاريز لأتلتيكو مدريد، وكمان ممكن يكون بديل طويل المدى لدي بروين.
آرسنال برضه داخل بقوه في الصفقة، والمدرب ميكيل أرتيتا شايف إن رودريغو هو القطعة الناقصه في هجوم الفريق، خصوصًا إنه بيملك السرعة والمهارة والتسجيل.
النادي سأل بشكل مبدئي عن إمكانية التعاقد معاه، وناوي يتحرك بشكل رسمي لو لقى فرصة.
ليفربول كمان مش ساكت، وبيتقال إنهم متابعينه من زمان، خصوصًا مع الغموض اللي حوالين مستقبل محمد صلاح، فشايفين إن رودريغو ممكن يكون البديل المناسب، خصوصًا إنه بيلعب في أكتر من مركز هجومي.
لحد دلوقتي ريال مدريد متمسك بيه، لكن الصيف لسه طويل، وممكن نشوف مفاجآت كتير في سوق الانتقالات الجاي.
