سباق الكره الذهبيه يشتعل ونجوم جدد يدخلون على الخط بقوه
مع قرب نهاية موسم 2024-2025، بدت ملامح سباق الكره الذهبيه توضح شوي شوي، خصوصًا بعد وصول إنتر ميلان وباريس سان جيرمان لنهائي دوري أبطال أوروبا.
النهائي هالسنه مو بس بيحدد بطل القاره، لا بعد ممكن يحسم اسم الفائز بأهم جايزه فرديه بكرة القدم، بما إن ما في بطولات دوليه كبيره هالسنه زي اليورو أو كوبا أمريكا.
صحيفة “ماركا” الإسبانية قالت إن في أسماء بدأت تبرز بقوه، مثل ديمبيلي اللي طار مستواه بعد رحيل مبابي عن باريس، ولاوتارو اللي شايل هجوم إنتر على كتفه.
من ناحيه ثانيه، ثلاثي برشلونه رافينيا ويامال وبيدري مقدمين موسم ممتاز، خصوصًا بعد فوزهم بكأس الملك والسوبر، واقترابهم من الليغا.
كمان ما نقدر ننسى صلاح، اللي له موسم ناري مع ليفربول، وسجل وصنع كثير، ولا هاري كين اللي هداف الدوري الألماني.
مبابي بعده بالمنافسه رغم تذبذب مستواه، خصوصًا إذا لمع مع فرنسا.
وفي مفاجأه، ممكن نشوف حراس مثل دوناروما أو يان سومر ينافسون إذا حققوا بطولات. السباق مفتوح، والموسم للحين ما قال كلمته الأخيره.
