الأهلي عايز بيمينتا بأي تمن والمدرب بيفكر وعينه عالمونديال
النادي الاهلي بيدور اليومين دول على مدرب جديد بعد ما مشي كولر من تدريب الفريق من اسبوعين وبدأت العيون تتوجه ناحية المدرب الإسباني جارسيا بيمينتا اللي كان بيدرب إشبيلية قبل كدا حسب ما جت في جريده ماركا الإسبانيه الاهلي عايز يجيب بيمينتا بأي تمن، وبيعتبره هو الأنسب لقيادة الفريق الفتره الجايه.
المدرب لسه مش قرر، بس بيدرس العرض جد لإنه شايف إن عرض الاهلي كبير ومحترم، خصوصًا إن الفريق داخل على بطولة كأس العالم للأنديه في أمريكا، ودي فرصه كبيره لأي مدرب يظهر فيها.
الصحيفه كمان قالت إن بيمينتا مش هو المدرب الوحيد اللي الاهلي بيكلمو، في اسماء تانيه مطروحه زي دييغو مارتينيز مدرب لاس بالماس وكيكي سانشيز فلوريس.
بيبنمتا مشي من إشبيليه من شهر علشان سوء النتايج، كان لعب ٣٤ ماتش كسب في ١١ وتعادل في ٩ وخسر ١٤.
الاهلي هيبدأ مشواره في المونديال قدام إنتر ميامي يوم ١٥ يونيو، والمجموعه فيها كمان بورتو وبالميراس
