ماريسكا عايز يكتب التاريخ مع تشيلسي وأرسنال بيجهز صفقات نار
صباحك أوروبي مليان أخبار سخنه من صحف أوروبا، ومن أبرزها كلام إنزو ماريسكا مدرب تشيلسي اللي قال إن دوري المؤتمر الأوروبي مهم جدًا لإنه الكاس الوحيده اللي النادي ماخدهاش، ولو خدناها هنكون أول نادي في أوروبا يفوز بكل البطولات القاريه.
ومن ناحيه تانيه، أرسنال ناوي يدخل السوق بقوه، وبيجهز حوالي 150 مليون جنيه إسترليني علشان يشتري لاعبين سوبر بعد موسم خرج فيه من دوري الأبطال وخلص من غير بطولات.
وعن دي بروين، رغم إنه قرر يمشي من مانشستر سيتي في نهاية الموسم، ليفربول لسه ما قدمش عرض رسمي ليه، مع إنه كان مشجع للفريق وهو صغير، وده واضح في فيديو قديم ليه.
تشافي مدرب برشلونه السابق، قال إنه مش مستعجل يرجع التدريب، وبيستنى مشروع كويس ويفضل يكون في الدوري الإنجليزي علشان الحماس هناك مختلف.
وفي برشلونة، ليفاندوفسكي حاسس إنه جاهز للكلاسيكو، وعايز يقرب من لقب الهداف، بس فليك ممكن يبدأ بفيران توريس لو حب يلعبها آمن.
أخبار تانيه بتتكلم عن تألق ماكتوميناي مع نابولي، ومستقبل دوناروما الغامض، وخطط دورتموند لخطف شقيق بيلينجهام.
