الجمعة كروية ناريه الزمالك بيرجع والدور على منتخب الشباب
النهارده الجمعه هتكون مليانه كوره وماتشات تقيله في أكتر من بطوله حوالين العالم سواء على المستوى المحلي أو القاري أو حتى الأوروبي.
منتخب مصر تحت 20 سنه عنده اخر ماتش في دور المجموعات ببطولة أمم أفريقيا للشباب وبيلاعب تنزانيا الساعه 9 بالليل واللي هيتذاع على بي إن سبورت 6 المنتخب محتاج يفوز علشان يضمن الصعود أو يودع البطوله بشرف.
من ناحيه تانيه، الزمالك بيرجع يكمل مشواره في الدوري المصري، وبيلاعب سيراميكا كليوباترا الساعه 5 العصر في الجوله الخامسه من مجموعة التتويج، والماتش على قناة أون تايم سبورتس 1.
وفي نفس المجموعه، البنك الاهلي هيلاعب بيراميدز الساعه 8، والماتش هيكون على نفس القناه، وفي نفس التوقيت كمان هيلعب فاركو ضد بتروجيت على أون تايم سبورتس 2.
وعلى المستوى القاري، جنوب أفريقيا هتواجه زامبيا في نفس توقيت ماتش مصر وتنزانيا على بي إن سبورت 8.
وفي أوروبا، العيون كلها هتكون على إيطاليا لما ميلان يلاعب بولونيا الساعه 9 45 مساءً، والماتش هيكون منقول على قناة أبو ظبي بريميوم 1.
