منتخب الشباب قدام الحسم يا يتأهل يا يودع البطوله مبكر
النهارده منتخب مصر للشباب داخل ماتش مصيري قدام تنزانيا الساعه 9 بالليل على ملعب هيئة قناة السويس، ضمن الجوله الخامسه من بطولة أمم أفريقيا للشباب اللي بتتلعب في مصر.
المنتخب المصري بدأ البطوله بفوز مهم على جنوب أفريقيا بهدف، بعدين خسر خساره قاسيه قدام سيراليون 4-1، وتعادل سلبي مع زامبيا دلوقتي عنده 4 نقط بس، وعلشان يتأهل لازم يفوز وبس، أي نتيجه تانيه يعني الخروج رسمي من البطوله.
زامبيا اللي قدامنا في الترتيب عندها 5 نقط، ولو إحنا اتعادلنا معاهم في النقط، هما يتأهلوا لإنهم اتعادلوا معانا وده حسب اللوائح، وكمان جنوب أفريقيا عندها 6 نقط يعني الحسابات واضحه الفوز هو الحل الوحيد.
المنتخب كمان داخل الماتش من غير محمد عبد الله اللي اتصاب في الماتش اللي فات قدام زامبيا واتأكد إنه عنده مزق في العضله الأماميه، وخرج من المعسكر راجع ناديه للعلاج.
الجمهور مستني يشوف رد فعل قوي من شباب الفراعنه ويحققوا المطلوب كل التوفيق لولادنا في مواجهه الحسم الليله.
