الاتحاد يكسب الأهلي في الثانية الأخيرة ويتوج بكأس مصر للسله
الاتحاد السكندري قدر يحقق فوز غالي ومثير على الأهلي بنتيجة 85-83، في نهائي كأس مصر لكرة السلة اللي اتلعب مساء الخميس على صالة الشباب والرياضة بـ 6 أكتوبر ويتوج بالكاس للموسم التاني ع التوالي.
الماتش كان ناري من أوله لآخره، الاتحاد بدأ قوي وكسب الفتره الأولى 24-18، لكن الأهلي رجع في التانيه وقلب الطاوله وأنهاها متقدم 43-42.
الفترة التالته كانت متكافئه جدًا وانتهت 58-58، وبعدين الرابعة خلصت بالتعادل 73-73، فراحو لشوط إضافي
وفي أجواء مليانه توتر، قدر الاتحاد يخطف الفوز في الثانيه الأخيرة 85-83، وسط فرحة جنونيه من اللعيبة والجماهير اللي كانت حاضره.
الاتحاد كده بيكسب الأهلي في النهائي مره تانيه بعد ما كان فاز عليه كمان الموسم اللي فات.
الزمالك من ناحيته خطف المركز التالت بعد ما فاز على سبورتنج 82-73، في مباراة تحديد المركز التالت والرابع
الاتحاد بيأكد إنه رقم صعب في كرة السلة المصريه، ومكمل في هيمنته على البطولات، وسط منافسه شارسه بينه وبين الأهلي والزمالك.
