فوز للأهلي وكأس الاتحاد وأخبار كتير هزت يوم الخميس
شهد يوم الخميس احداث رياضية كتير، كان اهمها فوز النادي الأهلي على المصري البورسعيدي بـ نتيجة 4-2 فـ الدوري الممتاز، وده زاد من سخونة المنافسه ع الصداره.
كمان الاتحاد السكندري قدر يخطف لقب كأس مصر لكرة السله بعد ما فاز ع الأهلي في مباراة ناريه انتهت 85-83، واللي اتلعبت في صالة 6 أكتوبر.
من ناحيه تانيه، لجنة التظلمات فـ اتحاد الكوره قررت تأجيل إعلان قرارها بخصوص أزمة ماتش الزمالك والأهلي لـ يوم 15 مايو، واللي على طول رد الزمالك عليه ببيان رسمي استنكر فيه التأجيل.
فـ الكوره اليد، منتخب مصر للرجال فاز على البرازيل في ماتش ودي بنتيجة 30-27، واللي اتلعب في صالة حسن مصطفى.
أيمن الرمادي مدرب الزمالك الجديد، عبّر عن فخره بقيادة الفريق بعد رحيل بيسيرو، وده بعد تعادل الزمالك مع البنك الأهلي.
الاهلي كمان استقبل خبر مهم بخصوص حمدي فتحي المعار من الوكرة، واللي هيبدأ يرجع تدريجيًا للتدريبات عشان بطولة كأس العالم للأنديه.
وأعلنت رابطة الأنديه عن الهدف الأفضل فـ الجولة الرابعه، واللي تم اختياره بناءً على تصويت الجماهير.
واخيرا، وزارة الشباب كشفت ان التعديلات على قانون الرياضه مش هتطبق بأثر رجعي
