الأهلي يكتسح المصري برباعيه ويخطف صدارة الدوري مؤقتاً بفوز ناري
حقق الأهلي فوز مهم وقوي على المصري البورسعيدي بنتيجه 4-2 ف الماتش اللي اتلعب مساء الخميس ع ملعب برج العرب، ضمن الجوله الخامسه من الدور التاني للدوري المصري الممتاز.
بدأ المصري التسجيل بدري عن طريق صلاح محسن ف الدقيقه 6، لكن الأهلي رد بسرعه، وسجل إمام عاشور هدف التعادل ف الدقيقه 35، بعدها طاهر محمد طاهر ضاف التاني ف الوقت بدل الضايع من الشوط الأول.
وف الشوط التاني، وسام أبو علي حط التالت ف الدقيقه 58، قبل ما إمام عاشور يرجع يسجل التاني ليه والرابع للفريق من ركلة جزاء ف الدقيقه 79، وبعدها بدقايق المصري سجل هدف تقليص الفارق عن طريق فخر الدين بن يوسف ف الدقيقه 81.
كده الأهلي وصل للنقطه 49 وتصدر جدول الدوري مؤقتاً، مستني نتيجة بيراميدز اللي هيلعب مع البنك الأهلي أما المصري ف رصيده وقف عند 35 نقطه ف المركز الرابع.
والمباريات الجايه للأهلي سيراميكا يوم 13 مايو، وبعدها البنك الأهلي 17 مايو، وأخيراً فاركو يوم 28 مايو، والمشوار لسه فيه تحديات قدام الفريق الأحمر.
