تشيلسي وبيتيس ف نهائي المؤتمر الأوروبي النهائي يوم 28 مايو
اتحدد خلاص طرفين نهائي بطولة دوري المؤتمر الأوروبي للموسم الحالي، بعد ما تأهل تشيلسي الإنجليزي وريال بيتيس الإسباني، وده بعد مباريات نص النهائي اللي كانت حماسيه جدًا.
تشيلسي قدر يتفوق على ديورجاردن السويدي وطلعهم بره، وفي الناحيه التانيه ريال بيتيس حقق مفاجأة وأخرج فيورنتينا الإيطالي، علشان يضرب الفريقين موعد نار ف النهائي.
الماتش النهائي هيتلعب يوم 28 مايو الجاري، على ملعب مييسكي في مدينة وارسو البولنديه، واللي هيستضيف نهائي النسخة الرابعة من بطولة دوري المؤتمر الأوروبي.
البطولة دي تعتبر المسابقة الأوروبيه التالته بعد دوري الأبطال والدوري الأوروبي، وكانت اتعملت علشان تدي فرصه لفرق أكتر تلعب قاريًا.
النسخ اللي فاتت توج بيها روما الإيطالي، بعديه وست هام، وبعد كده أولمبياكوس اليوناني.
تشيلسي دلوقتي بيحلم إنه يبقى أول نادي ف أوروبا يحقق التلات بطولات القاريه، بعد ما حصد قبل كده دوري الأبطال مرتين والدوري الأوروبي مرتين كمان.
أما ريال بيتيس فدي فرصته التاريخية، لأنه عمره ما كسب أي لقب قاري قبل كده، وبيحلم يحقق المجد الأوروبي الأول ليه.
