زوبيميندي على أعتاب أرسنال وتشابي ألونسو ناوي يدخل على الخط
يبدو إن نجم ريال سوسيداد مارتن زوبيميندي قرّب جدًا من ارتداء قميص أرسنال، والصفقة قربت تخلص خلاص حسب كلام الصحفي الموثوق فابريزيو رومانو.
رومانو قال إن أرسنال شايف زوبيميندي أولوية قصوى في مشروع أرتيتا، والمدرب مصمم يجيب اللاعب بأي شكل والفريق الإنجليزي واصل شغله بهدوء وثقة، ومش فاضل غير شوية إجراءات رسمية علشان يعلنوا عن الصفقة رسميًا.
بس الموضوع مش سهل 100%، لأن في اسم تقيل دخل على الخط، وهو تشابي ألونسو، المدرب اللي رايح ريال مدريد الموسم الجاي وألونسو معجب جدًا بزوبيميندي وبيفكر يتدخل ويحاول يخطف الصفقة من أرسنال في اللحظة الأخيرة.
مع كل ده، أرسنال لسه متقدم بخطوة، وشغال بسرعة علشان يقفل الموضوع قبل ما ريال مدريد أو أي نادٍ تاني يدخل في المفاوضات.
وعلى الناحية التانية، ريال مدريد ما قعدش يتفرج، وبدأ يجهّز خطته البديلة في حال فشل صفقة زوبيميندي، والصحافة الإسبانية (وتحديدًا ماركا) قالت إنهم حاطين عينهم على أليستر نجم ليفربول، وكمان تونالي لاعب نيوكاسل.
اللي باين إن الصيف ده هيكون ساخن جدًا في سوق الانتقالات، وزوبيميندي شكله هيكون من أهم الأسماء اللي هتعمل فرق في أوروبا.
