الهلال ناوي يضرب ضربته عرض ضخم لأوسيمين قد يغير كل شي
نادي الهلال السعودي ناوي يدخل الصيف الجاي بقوة، وبيبص بعينه على المهاجم النيجيري فيكتور أوسيمين، نجم نابولي الإيطالي والمعار حاليًا لجالطة سراي التركي.
أوسيمين عامل موسم ممتاز، بس جالطة سراي ماعندوش بند يشتريه نهائي، وده خلى أندية كتير تدخل على الخط.
الصحافة الإيطالية، خصوصًا “كورييري ديلو سبورت”، قالت إن الهلال بيجهز عرض جديد للّاعب، ممكن يوصل لـ35 مليون يورو.
بس القصة مش سهلة، لأن مانشستر يونايتد كمان داخل السباق، ومستعد يدفع الشرط الجزائي اللي فـ عقده مع نابولي، اللي هو حوالي 64 مليون جنيه إسترليني، وبيفكر يديه عقد مدته 5 سنين وراتب خيالي يوصل لـ15 مليون يورو في السنة!
اللي زاد الطين بِلّة إن أوسيمين نفسه مش عايز يكمل مع نابولي بعد خلاف كبير مع رئيس النادي، ونابولي حاطط نِيّة يبيعه الصيف الجاي.
الهلال لو قدر يخلص الصفقة، هتبقى ضربة معلم وصفقة مدوية فـ السوق، خصوصًا إنه لاعب هداف وسنه لسه مناسب.
