ريال مدريد يحسم صراع الصلاحيات قبل وصول ألونسو ويحدد صفقاته الجايه
واحدة من أكتر النقط اللي كانت عامل قلق لجمهور ريال مدريد قبل وصول تشابي ألونسو، كانت ببساطة: “مين اللي هيحدد التعاقدات؟ المدرب ولا الإدارة؟!”، وده السؤال اللي كل جماهير الملكي كانت بتتسأله من شهور.
لكن حسب صحيفة ماركا، واللي نقلته كمان مصادر مقربة من النادي، فالإدارة والمدرب اتفقوا “اتفاق شرفي” إن الإدارة هي اللي هتحدد الأسماء، مش المدرب والسبب؟ الإدارة مش عايزة تدخل في مزايدات مالية بسبب طلبات مدرب، خصوصًا لو مشي المدرب فجأة وساب وراه لاعيبة مش مناسبة أو صفقات فاشلة.
اللي واضح دلوقتي إن النادي فعلاً بدأ يتحرك على الأرض، وده أبرز الصفقات اللي شغال عليها فلورنتينو بيريز:
- ✅ الظهير الأيمن: تم التوقيع رسميًا مع ترينت ألكسندر أرنولد، صفقة مدوية وأعلن عنها خلاص.
- ⏳ قلب الدفاع: الاسم الأقرب هو الإسباني دين هويسين، ولو فشلت الصفقة فيه خطط بديلة شغالة.
- 🔍 الظهير الأيسر: فيه تركيز كبير على ألفارو فرنانديز لاعب بنفيكا، وبيتم متابعته بقوة.
- ⚠️ خط الوسط: مش أولوية قصوى، بس الإدارة بتشتغل على خيارات مناسبة من دلوقتي.
ريال مدريد شكله داخل على ميركاتو ناري، لكن المميز المرة دي إن الإدارة مش بس بتشتغل على الموسم الجاي، دي بتحضر كمان لفترة طويلة قدام، عشان تسلم تشابي ألونسو فريق جاهز ومتماسك من أول يوم.
