الهلال بيدوّرف خط الوسط بديل فيرنانديز جاهز والخطة شغّالة!
يبدو إنّ إدارة نادي الهلال مش ناوية تسيب حاجة للصدفة، وبتشتغل على نار هادية علشان تدعّم خط الوسط الموسم الجاي، وده في حال الصفقة الكبيرة مع برونو فيرنانديز ما كملتش.
حسب تقارير إعلامية، الإدارة الهلالية حاطة خطة بديلة ومحضّرة كام اسم تقيل، أولهم البرازيلي برونو غيماريش، نجم نيوكاسل اللي مكسّر الدنيا في الدوري الإنجليزي وغيماريش لعب 44 ماتش، سجّل 4 أهداف ووزّع 8 أسيست.. أرقام تقولك الراجل مؤثر بجد.
والأسم التاني اللي دخل الرادار هو البلجيكي يوري تيليمانس، لاعب أستون فيلا، اللي عنده هو كمان موسم محترم بـ5 أهداف و10 أسيست من 52 مباراة والاتنين دول خيارات من العيار التقيل وممكن يضيفوا كتير للفريق لو فيرنانديز ما جاش.
الهلال بيفكّر لقدّام وعايز يبني فريق ما يتأثّرش بصفقة واحدة، وده بيأكد إن في شغل كبير بيتعمل في الكواليس، علشان الجمهور يفضل دايمًا فخور بفريقه.
