محمد صلاح يحصد جائزة الأفضل للمرة التالته ويتفوق على الكبار
أعلنت رابطة كتاب الكوره في إنجلترا عبر موقعها الرسمي إن نجم ليفربول محمد صلاح فاز بجائزة أفضل لاعب فـ الموسم، وده للمرة التالته في تاريخه بعد ما حصل عليها قبل كده سنة 2018 و2022.
الغريب والملفت في الجايزه دي إن صلاح فاز بيها بأكبر فرق أصوات فـ تاريخها تقريبًا، حوالي 90% من إجمالي الأصوات كانت لصالحه، وده رقم ضخم جدًا.
كده صلاح بقى تاني لاعب في التاريخ ياخد الجايزه دي 3 مرات، بعد تيري هنري أسطورة أرسنال.
صلاح كان مؤثر بشكل كبير في فوز ليفربول بالدوري الإنجليزي للمرة العشرين في تاريخه، وسجل 28 هدف فـ البريميرليج، يعني كان حرفيًا ماكينة أهداف.
وتفوق في التصويت على فان دايك زميله فـ الفريق، وإيزاك من نيوكاسل، وديكلان رايس لاعب أرسنال.
جون كروس، رئيس رابطة النقاد، قال: “صلاح نادر لما تلاقي حد عليه إجماع زيه، الموسم اللي قدمه كان أسطوري، وكان سبب رئيسي فـ تتويج ليفربول، وشرف لينا نكرمه في الحفل”.
