خبر مفاجئ يهز دوري روشن نجم عالمي في طريقه للرحيل
انتشرت أخبار صحفيه النهارده عن مفاجأه كبيره ممكن تقلب الأوضاع في دوري روشن السعودي، وده مع اقتراب فترة الانتقالات الصيفيه اللي دايمًا بيكون فيها سباق بين الأنديه لجذب أسماء كبيره.
الإعلامي خالد عبد العزيز فاجئ المتابعين على منصة “إكس” بتغريده قال فيها إن فيه نجم عالمي من اللي بيلعبوا حاليًا في دوري روشن، خلاص قرب يودع الدوري ومش حيتم تجديد عقده اللي بينتهي بنهاية الموسم الحالي.
ورغم إن خالد ما ذكرش اسم اللاعب، إلا إن الناس بدأت تربط التغريدة بالنجم البرتغالي كريستيانو رونالدو، مهاجم النصر، خصوصًا وإن عقده بينتهي الموسم ده، والجدل حول مستقبله بقى حديث الشارع الرياضي.
وفي وسط التكهنات، جماهير النصر بدأت تقلق من فكرة فقدان “الدون” اللي رغم إنه ما حققش بطولات كتير مع الفريق، إلا إنه كان إضافة كبيره على مستوى التسويق والشعبية.
ومازالت الهويه الحقيقيه للنجم اللي حيرحل غامضه، بس الأكيد إن فيه تغيير كبير جاي، ممكن يأثر على شكل الدوري الموسم الجاي.
