صراع إنجليزي نار على مبيومو نجم برينتفورد وتألقه يشعل السوق
الأنظار كلها دلوقتي متوجهه ناحية نجم برينتفورد الكاميروني بريان مبيومو، بعد موسم ناري مع فريقه في الدوري الإنجليزي الممتاز، واللي خلى أكتر من نادي كبير يدخل على الخط عشان يضمه في الصيف.
حسب شبكة “سكاي سبورتس”، فيه ٤ أندية من البريميرليج مهتمين باللاعب، أبرزهم ليفربول ومانشستر يونايتد وتوتنهام، وكلهم بيجهزوا عروض يوصل سعرها لـ 60 مليون جنيه إسترليني، عشان يخطفوه من برينتفورد.
مبيومو سجل 18 هدف وصنع 7 كمان، أرقام تخلي أي فريق يتمنى يكون عنده لاعب زيه، وخصوصًا إنه كمان بيقدر يلعب في كذا مركز هجومي وبيقدم أداء ثابت من أول الموسم.
مش بس كده، كمان زميله في الفريق يواني ويسا داخل على الخط، واللي نوتنجهام فورست مهتم بيه من يناير، وفيه كلام إن توتنهام ووست هام بيراقبوه هو كمان، بعد ما سجل 18 هدف وصنع 3.
اللي بيحصل دلوقتي بيأكد إن برينتفورد داخل على صيف مولّع، وممكن يحقق أرباح ضخمه من بيع نجومه.
