أسعار الأسمنت في مصر مستقرة اليوم 9 مايو 2025 مع توقعات بزيادة قادمة
النهاردة الجمعة 9 مايو 2025، أسعار الأسمنت في مصر شهدت استقرار نسبى بعد فترة من الزيادة الطفيفة، والناس في السوق كله مترقبة تحركات جديدة في الأسعار وفي الفترة الجاية ممكن نلاقي زيادة تانية لحد 100 جنيه للطن، حسب ما قالته شعبة مواد البناء.
سعر طن الأسمنت تسليم أرض المصنع دلوقتي حوالي 3000 جنيه، أما سعر البيع للمستهلك بيبدأ من 3000 لحد 3350 جنيه، وفي بعض الأماكن ممكن يوصل لـ4000 جنيه حسب نوع الأسمنت والشركة المنتجة.
الأسعار كانت شهدت زيادات بسيطة الفترة اللي فاتت، يعني زيادات ما بين 30 ل100 جنيه للطن، وده بيختلف حسب نوع الأسمنت والشركة اللي بتنتج ولكن بشكل عام الأسعار استقرت حالياً في السوق، وفيه ترقب لزيادة تانية قريب.
ومن ناحية تانية، الصادرات المصرية من الأسمنت بتستمر في النمو، وهو ده اللى بيدعم استقرار السوق المحلي. في 2022، الصادرات وصلت لـ670 مليون دولار، وزادت كمان في 2023 لـ770 مليون دولار، وبعدها استمرت في الزيادة في أول 10 شهور من 2024 ووصلت لـ780 مليون دولار وأفريقيا هي أكثر القارات اللي بتستورد الأسمنت المصري، والمنتج المصري بيزيد تنافسيته في الأسواق الخارجية.
الإنتاج المحلي من الأسمنت بقى كبير، وساعد في استقرار السوق الداخلي ومصر أنتجت 25.39 مليون طن من الأسمنت في أول 7 شهور من 2024، بزيادة 2.09 مليون طن عن نفس الفترة من 2023، وده كان ليه دور مهم في تأمين المعروض في السوق.
وأكيد الأسمنت ليه دور كبير في قطاع التشييد والبناء، خصوصاً في المشروعات القومية والخاصة وعلشان كده مراقبة الأسعار وتوافره حاجة مهمة للمطورين والمستهلكين، اللي بيهتموا إن الأسعار تكون مستقرة علشان يقدروا يخططوا بشكل كويس.
