أسعار الحديد في مصر مستقرة اليوم 9 مايو 2025 مع توقعات بزيادات طفيفة
النهاردة الجمعة 9 مايو 2025، أسعار الحديد في مصر ثابتة ومافيش تغييرات كبيرة زي اللي كنا شايفينها في فترات قبل كده والحديد حافظ على مستوياته اللي كان وصل ليها في الشهرين اللي فاتوا، ولكن في السوق فيه حالة من الترقب، والناس متوقعة إن الأسعار هتحرك تحركات بسيطة في الفترة الجاية.
سعر طن الحديد تسليم أرض المصنع بيترواح من 38,000 ل38,500 جنيه، أما لما يوصل للمستهلك، بيصل تقريبا لـ40,000 جنيه للطن، والفرق ده بسبب تكاليف النقل والهوامش الخاصة بالتوزيع، وكمان بتختلف الأسعار من منطقة للتانية حسب المسافة واحتياجات السوق.
أما بالنسبة للأسعار النهاردة، فإنت لو بصيت على الشركات الكبرى، هتلاقي إن سعر حديد عز وصل لـ38,800 جنيه للطن، وحديد بشاي سجل حوالي 38,600 جنيه، بينما سعر حديد المصريين وصل لـ38,500 جنيه وأما بالنسبة لحديد الجارحي، فسعره كان أقل شوية وبلغ 36,000 جنيه للطن وبالنسبة للمستهلكين، متوسط السعر ممكن يوصل لـ40,000 جنيه حسب المنطقة والشركة.
أحمد الزيني، رئيس شعبة مواد البناء، أكد إن السوق في حالة استقرار بالنسبة للأسعار، سواء عند المصانع أو عند الموزعين وبيقول إن الأسعار عند الموزعين بتتراوح بين 39,200 لـ40,000 جنيه للطن، وده على حسب نوع المصنع والمحافظة.
الحديد دايماً كان ليه أهمية كبيرة في قطاع البناء والتشييد، خصوصاً في ظل التحديات الاقتصادية اللي بنعيشها والتغييرات في السوق العالمي والمطورين والمستهلكين دايماً بيكونوا مركزين مع حركة أسعار الحديد عشان يقدروا يتوقعوا التحركات ويحافظوا على ميزانيتهم في مشاريعهم.
