الكلاسيكو نار بين برشلونه وريال مدريد وصراع على الصداره مشتعل
كل الأنظار بتتوجه لملعب “مونتجويك الأولمبي” اللي بيستضيف كلاسيكو ناري بين برشلونة وريال مدريد في الجولة 36 من الدوري الإسباني.
المباراة دي جايه في وقت حساس جدًا، وبرشلونة متصدر بـ79 نقطة، والريال وراه بـ75، يعني الفارق بس 4 نقاط.
اللي يفوز هيقرب جدًا من لقب الليجا، خصوصًا لو برشلونة كسب هيبقى شبه حاسمها، إنما لو ريال مدريد فاز، هيرجع المنافسة من تاني وتولع أكتر.
الاتحاد الإسباني أعلن إن الحكم أليخاندرو هيرنانديز هو اللي هيدير اللقاء، ومونويرا هيكون في غرفة الـVAR، والمباراة شكلها مش هتعدي من غير جدل كالعادة.
برشلونة داخل الكلاسيكو وهو لسه متأثر بخروجه من دوري الأبطال قدام إنتر ميلان، فعاوز يكسب علشان يرجع الثقة، ويعوض الجماهير.
في المقابل، الريال عاوز ينتقم من الهزيمة المذلة اللي حصلت في الذهاب لما خسر 4-0 على ملعبه.
الجمهور متحمس والضغط على الفريقين كبير الكلاسيكو ده مش بس 3 نقاط، ده شرف وكرامة وصراع لقب!
