سلوت يكشف حقيقة رحيل أرنولد لريال مدريد ويدافع عن فريقه
في المؤتمر الصحفي اللي قبل مباراة ليفربول وأرسنال، أخيرًا خرج المدرب الهولندي أرني سلوت عن صمته وتكلم عن الأخبار اللي بتقول إن ترينت ألكسندر أرنولد هيروح لريال مدريد في الصيف.
سلوت قال كلام واضح وصريح، إن الموضوع مزعج لأي حد بيحب ليفربول، خصوصًا لما لاعب كبير زي أرنولد يمشي.
لكنه أضاف إنه متعود على المواقف دي من أيامه في ألكمار وفينورد، وإنه دايمًا النادي بيلاقي بديل كويس.
المدرب لمح بابتسامة إن كل الناس عارفة ترينت رايح فين، من غير ما يقول الاسم، وقال إن أرنولد لسه ما أعلنش رسمي، فصعب يتكلم عن مشاركته في كأس العالم للأندية.
عن المباراة قدام أرسنال، قال إن الفريق جاهز بنفس التشكيلة اللي لعبت الأسبوع اللي فات، وإن كونور لو كان جاهز كان هيبدأ أساسي قدام تشيلسي.
وأكد إن المباراة هتكون قوية بين فريقين كبار، بس ختم كلامه وهو بيضحك إنه حزين عشان كل المباريات القوية، زي الكلاسيكو وفينورد وآيندهوفن، هتتلعب يوم الأحد، ومش هيلحق يتفرج عليهم!
