عمرو دياب يشعل الكويت بحفل ناري وسط حضور جماهيري كبير
أحيا الهضبة عمرو دياب حفله المنتظر في الكويت يوم الخميس 8 مايو، وسط حضور جماهيري ضخم من محبيه اللي كانوا مستنيينه من بدري.
وطلّ علينا عمرو بلوك كاجوال لفت الأنظار، لابس تيشيرت أبيض بسيط بس غالي جداً، عليه شوية أخرام خفيفة ومن خامة قطن، سعره يوصل لـ490 يورو يعني حوالي 25 ألف جنيه!
الحفل بدأ بأغنية “يا أنا يا لأ” اللي خلت الجمهور يولّع من أول دقيقة، وبعدها فضّل عمرو ياخد جمهوره في رحلة بين ذكريات الأغاني القديمة وضربات الصيف اللي دايمًا بتسيب علامة.
غنى “إنت الحظ”، “برج الحوت”، “أماكن السهر”، و”أجمل عيون”، ومعاهم طبعًا كلاسيكياته زي “نور العين”، “تملي معاك”، و”ليلي نهاري”.
الهضبة ما اكتفاش بكده، وفاجأ الناس وهو بيغني جزء من “أنا غير”، والقاعة كلها كانت بتغني معاه بصوت عالي وكأنهم حافظينها من زمان.
الجمهور ما بطّلش تصفيق طول الحفل، والجو كان كله طرب وحماس من أول دقيقة لآخر نغمة.
كالعادة، عمرو دياب أثبت إنه رقم واحد في قلوب الناس، وجوّه الحفلات مفيش زيه.
